SELAMAT DATANG

Minggu, 22 September 2013

Pantun madura

Namen cabbi namen babang
Terrong perrat gabay jamo
Ajar ngaji ajar abajang
Dha’ aherat gabay sango

Nyaba’ plappa neng romana
Ngiba cabbi pamolena
Ajja’ loppa dha’ reng towana
Du’a-agi sabbhan baktona

Ka ghajam melle katombhar
Mano’ poter kaka’ towa
Pabajang ba’na se ajar
Ma’le penter kalamon towa

Kampong Cena e temor daja
Gula palo e romana
Pong pong ba’na gi’ dha-ngodha
Ja’ malo se atanya’a

Acella’ sambi akaca
Nyaba’ odheng dhalem petthe
Mon mella’ badha e mata
Mon meddem badha neng ate

Mon alapola kareng buggen,
Mi’ epadaddi minnya’na kalambi,
Mon asakola pa’ongguwan,
Le ta’ daddi anak se rogi.

Ngalak nangka epalober,
Badha batre enga’ lonthong,
Mon asakolah dika pasabbar,
Sopaja daddi anak se onthong,

Kasamarang beli nangka ,
Ningghu film neng e TV,
Bila siang asakola,
Bila malem kodhu ngaji.

0 komentar:

Posting Komentar

Share

Twitter Delicious Facebook Digg Stumbleupon Favorites